Paroles

seawass maund und zwetschknresta
schdeixt soo schee aum himö auf!

zwischn d nussbam wia r a fogl:
sea wass leicht dea heit des fogl!

aus de kün sebtembablaln
schdeixt grod'aus fon wiazzhaus auffe ...

du med deina zwülenzschwesta
auf da laungan hözzan lata ...

lauta weischdek san de schbrissln
drid ned z schdoak sunzt brixt no duach!

seawass dedat dea r a loch haun
duach und duach bis hinta sidnei ...

seawass maund und zwetschknresta
du mezzaumt dein siassn schwestal!

du gesd auf - und ii gee unta
wia r a bleiane antn unta

in mein eigan dopörausch!

(H.C, Artmann)