Paroles

sozbeag und galizzebeag
es woedechn briada
eich zwaa how e xeng scho
oes ganz glana bua -
jo wea soit waun ned ii
eich besinga med liada?
des schded ma doch zua!

sozbeag und galizzebeag
en eich eadechn briada
mecht - noch n schdeam -
amoe daun i mei gruam...
zwischn bromba r und eichn
ned z diaf und ned z niada
woat ma se s bessa
aum wuam...

sozbeag und galizzebeag
so waa ma drei briada...
und sechadn meine aung
a daun nimamea d sun -
i singad eich drozzdem
aus d wuazzln no liada
i bleiwad ned schdum!

(H.C. Artmann)