Paroles

en mein fedabinäu
hea leara
sizt a zweagal
hea leara
des kiföd ma olawäu
des oware end
fon mein blei oo
hea leara

i kaun nix dafua
hea leara
und tschuid is dea zweag
hea leara
jo ea hod scho sogoa
mein bleischdiftschbizza
fola glane schoadn gmocht

und a messal zun schbizzn
hea leara
weng inare sitnnotn
hea leara
deaf ma fon daham aus
ned mitdrong...
wia r owa
sol e daun meine blei schbizzn
hea leara?

a zweagal
hea leara
en so an fedabinäu
is dar wiaklech ka freid!
aso wos fadiabt an des gaunze schuigee!!

aso wos fadiabt an de gaunze schui
hea leara
bis diaf en de ferien eine
hea leara
und ma bleibt
hea leara
a dep!

(H.C. Artmann)