Paroles

waun amoe da schwoaze koinmau
zu mia kuma soit
wiad a mitn in mei blumangat!
einegräun
und drinad
sei schiache koinrutschn
aufschdön..

waun amoe da weisse begkngsöö
zu mia kuma soit
wiad a auf mei guads gwaund
ned aufbassn
und sei grausligs möösib
zun ausbeiln aufaunga..

waun owa amoe da fleischhogka
med seina bluadschiazn kumd
wiad a ma
waun e no hoewad en dram bin
one wos z song gaunds schdüü
sei hagkal aum kopfboista
und sein schdreicha iwa mii
auf d duchat leng..

(H.C.Artmann)